蒸气石锅比传统火锅更为健康，原理係利用蒸气蒸熟食物，时间调节亦重要，等食材唔好过熟，而唔同食材既精华就会落左去下面既汤或者粥嗰度，当食晒所有食材后再饮汤或粥时就可以嚐到之前食材既汁同鲜味。
黄金凉瓜，有唔少人都唔食凉瓜，因为佢地都顶唔顺苦味。不过呢度既凉瓜外层薄脆，有鹹蛋黄香，而且凉瓜多汁亦唔算很苦。
响铃，即叫即炸，由于即刻炸起，质感确係几脆身。
叫左两款丸同饺子品嚐。首先係一口特式五宝丸，蒸完之后，质感颇为弹牙。至于菌皇松露带子饺，松露味道几香，而饺既外皮记得趁热食，否则会逐渐变硬。
黑松露蒸鸡，呢度係一只既份量。松露味几香，鸡蒸完之后幸而肉质仍然几嫩滑而且够鬆软，唔会好chewy。
海鲜方面时价，叫左元贝，蛏子同龙虾等。
安格斯牛肉肉味几浓，蒸短时间之后，牛肉鬆软，油脂分布平均，味道甘香。
最底层可以叫唔同既粥底，例如白松露菌粥或者唔同种类既汤，之前蒸既海鲜同肉类既精华尽在最底层!
疍家佬蒸气石锅专家
地址：尖沙咀宝勒巷3-7A号万事昌广场1楼101号舖
电话：23192988
营业时间：星期一至日: 11:30-01:00