Galaxy O系列未必係手机?

Galaxy O系列未必係手机?

上星期我哋提到Galaxy将会生产两部Galaxy O手机,分别係Galaxy O5同O7。近日蓝牙技术联盟(Bluetooth SIG)就认证咗一部装置,型号跟Galaxy O5流出嘅非常吻合,不过资料同时带来新嘅谜题。

根据资料,三星生产、型号SM-G6000嘅产品已获蓝牙4.1认证。呢个型号比起上次传出嘅多咗个零,外媒估计此机可能係营运商或个别地区流通嘅版本。较早前投资银行Piper Jaffray分析师Gene Munster估计,Galaxy O系列会由三星联同虚拟实境(VR)装置生产商Oculus合力开发,主打VR技术,屏幕解像度较现时手机要高。但技术联盟写嘅产品摘要为「三星流动装置」(Samsung Mobile Device),产品範围可以好广,故此Galaxy O系列亦有机会係无线头戴式VR装置,而非先前猜测嘅手机。

Oculus下个月23至25号会喺美国荷里活举行虚拟装置开发者大会Connect2,随住日子逼近,相信三星究竟係想继续扩充手机霸业,定係开发新市场,好快就会揭盅。

Galaxy O系列未必係手机?

相关推荐